Арал ауданы әкімінің 2017 жылғы 27 қыркүйектегі өкімімен «Арал аудандық білім бөлімі» коммуналдық мемлекеттік мекемесінің бос лауазымына Жанназарова Санира Нұрқожақызы тағайындалды.

Жанназарова Санира Нұрқожақызы – 1973 жылы
28 қаңтарда Қызылорда облысы, Арал қаласында дүниеге келген.

Білімі жоғары. 1995 жылы Абай атындағы Қазақ мемлекеттік университетін «Қазақ тілі мен қосымша әзербайжан тілінің оқытушысы» мамандығы бойынша бітірген.

Еңбек жолын, 1990-1991 жылдары Арал қалалық № 99 орта мектепте тәлімгер болып бастаған.

1995-1998 жылдары Алматы қаласындағы Қ.И. Сәтбаев атындағы Қазақ Ұлттық техникалық университетінің қазақ тілі кафедрасының оқу шебері және оқытушысы;

1998-2008 жылдары Арал қалалық Н.К.Крупская атындағы
№ 14 орта мектебінің қазақ тілі пәнінің оқытушысы, мектеп директорының оқу ісі жөніндегі орынбасары;

2008-2012 жылдары Арал қалалық № 260 орта мектебі директорының оқу ісі жөніндегі орынбасары;

2012 жылдан бастап осы уақытқа дейін Арал қалалық Ж.Әбдірашев атындағы № 62 мектеп-лицейінің директоры қызметін атқарып келді.

Отбасылы, 1 бала тәрбиелеп өсіруде.

Арал аудандық мәслиханытың IV және V шақырылымдарының депутаты.